想瘦身同增加線條，做 Gym 係最直接、有效嘅方法。但心裡或會有疑問... 究竟要點樣開始？係咪一定要舉到好重？要幾耐先見到效果？今次會簡單講吓做 Gym 嘅幾個階段。
階段 1：建立基礎
不論你嘅目標係「減肥」、「練大隻」或「以上兩樣皆是」，不論男女老少，喺一開始所做嘅嘢其實都係一樣。通過學習最主要動作，訓練基本力量、耐力、柔軟度、心肺功能、及控制身體各個肌肉嘅能力。喺最初階段，訓練重量通常較輕，難度較低。主要動作包括：訓練胸肌的 Chest Press、大腿及臀部的 Squat、腰背肌肉的 Deadlift 等。
假設一星期訓練 3 次，呢個階段大概需要 2 個月。完成此階段時，身型會開始有所改善。
階段 2：提升重量
擁有基本體能及技巧後，就可以循序漸進增加難度。喺呢個階段，每組嘅次數通常會較之前少，而重量會較高。例如：同一個動作，之前係用 10 磅啞鈴做 15 至 20 吓，而家就會用15 磅做 8 至 15 吓。此外，亦需要學習更多訓練方法及持續改善技巧，如細微調節姿勢、握法、呼吸方法等。
呢個階段需要半年至一年不等，視乎練得有幾密。不論你嘅目標係減肥定係練大隻，都會見到身體脂肪續漸減少，線條越見明顯。
階段 3 ：按目標制訂訓練方法
經過一年半載嘅訓練，就可以按自己嘅目標，仔細設計訓練內容。假如目標係「練大隻」，每組次數大概係 8 至 12 次；如目標係「修身、修線條、唔想好大舊」，次數大概為 3 至 6 次。（而唔係坊間講嘅「舉輕啲、多啲吓數」...）
不論目標如何，都要比之前更盡力去做，每組最後一、兩吓，都應該要有「辛苦，但仍可以頂住，勉強做落去」嘅感覺。
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
