「冇做運動 2 年，肥咗之餘膝頭又開始痛。我係咪應該先做帶氧運動減走啲脂肪，先再去練對腳啲肌肉？」
有啲朋友會認為，帶氧運動比做 Gym 輕鬆，若要開始做運動減肥，係應該先做帶氧運動，等身體適應咗先去做 Gym。其實呢個諗法係錯嘅。
「帶氧運動」（泛指跑步、踩單車）同「負重運動」（做 Gym 舉鐵）係兩種唔同嘅訓練方法，各自都可以有不同難度。例如改變帶氧運動嘅速度、距離、環境（石屎路、山路、室內器械），做 Gym 嘅重量、次數、動作，都可以令難度有所不同，所以冇話帶氧運動就一定易啲。
好耐冇運動＋肥＋膝頭痛，我覺得做 Gym 會較好。因為可以按個別情況（膝頭點痛法、有幾肥、年紀等）去挑選最適合嘅動作，再細微調節姿勢（上身挨前/後啲、重心放喺腳踭/腳板等等）及重量等，務求用一啲最有效又唔整痛膝頭嘅方法，達到鍛鍊效果。
就咁講好似好空泛，不如睇睇呢條短片，我會示範一啲較溫和又練到肌肉嘅動作，相信會比跑步穩陣：https://youtu.be/L9Phy65QdpY
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
（原圖來源：http://orangehillmedia.com/two-fat-guys-hardware-show/）
