「我同我先生大約 50 歲。我地屬於瘦身型、食極唔肥，但近幾年開始就越嚟越易攰，行半個鐘腳已經會酸軟。見你新開咗長者健體課程，其實平時多啲拉筋係咪已經練到肌肉？點解要做 Gym 咁危險？可唔可以開拉筋班？」
1. 拉筋係好嘅，佢可以增強柔軟度，增加手腳嘅活動幅度，但係就唔能夠達到強化肌肉嘅效果喇。
2. 強化肌肉對於中、老年人尤其重要。成年人大約每 10 年就會流失約 4 至 6 磅肌肉，意味著身體、手腳會越易冇力，同埋新陳代謝減慢。
3. 正確地去做 Gym 可以增加肌肉量，唔係話去健美比賽嗰啲「肌肉」，而係增強氣力，仲有助身體平衡，增加骨質密度，加快新陳代謝等。做 Gym 仲可以增加血管彈性，減低患心臟問題嘅風險。
4. 做 Gym 一啲都唔危險：健身室環境較易控制，溫度、濕度可以調校，唔怕日曬雨淋；每個動作都會預先知道郁動方法，按體能挑擇重量，絕少有突如其來嘅情況。我認為比起戶外跑步或游水仲要安全。
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
