「上個月頭開始減肥，已戒宵夜、酒、零鹽糖油；運動方面，差不多每日都有跑步，平板支撐和你教的腹肌5步曲，到現在我確實減到肚腩，甚至更多。
現在我想增肌練大隻。聽人講有氧運動可以減脂，但也會令肌肉流失。咁我是否應該停止有氧，去做爆汗運動？掌上壓對我來說甚艱難，除左掌上壓，我做什麼可以練到胸肌呢？」
1. 「消脂減肥就要做有氧運動、增肌肉就要舉重」呢個理論係錯嘅。舉重或有氧運動都可以消脂減肥，而我認為舉重比有氧運動更有效，減得更快。
2. 瘦削身型嘅朋友想增肌，專注喺負重訓練（即係做 Gym 舉重）會較有效。有氧運動、「爆汗運動」（HIIT？？）唔係唔做得，但佢地並非最主要。
3. 個比重及次序係點？如果每次訓練 1.5 小時，可以先花 1 - 1.25 小時舉重，最後如果有力 / 有時間剩，先去跑或做 HIIT 15 分鐘。
4. 唔洗器材嘅增肌運動，例如掌上壓、引體上升、單腳蹲腿、Dip，的確係有效又方便，但難度唔低。對於一個健身嘅初哥，就算以正確姿勢做一吓都未必得。利用較輕嘅啞鈴或槓鈴健身會比較適合。
5. 要改善身型，飲食與運動同樣重要。戒宵夜、戒煙戒酒呢啲當然係基本嘢；煮食方面，額外添加嘅油鹽糖、醬汁少加為妙。但「食得健康」唔等如叫你節食，千祈唔好混淆。
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
