「太重啦，教練」- 比較新、跟我 Train 咗冇耐嘅學生間中會對我咁講。
係咪真係重呢？係。佢地拎個器材上手，一定會有重嘅感覺，唔可以好順暢咁去做動作，尤其是每一組臨尾嗰幾吓，直頭係要「格硬嚟」先「谷」到出嚟。
至於係咪太重呢？唔係。佢地都係可以用正確嘅姿勢、速度去做，並冇話要拗腰或者側埋個身借力。如果要借力先做到，我係會叫停佢地的。
想訓練有效果，去達至你地嘅目標（減肥 / 收肚腩 / 手臂靚啲 / 個籮挺啲 etc etc ），夠重係好緊要。就算你個姿勢點好、點勤力，如果重量唔夠，都係冇用。「做 Gym」 個學名係叫做「阻力訓練 Resistance Training」，顧名思義，係要有阻力先可以達至訓練效果。
點先為之「夠重」呢？就係當你以正確姿勢、速度去做動作，每組臨尾幾吓，目標肌肉應該會有攰、肌肉酸、有啲火燒嘅感覺。當完成每組嘅目標次數（例如 8 - 12 次），你最多只係有力做多一、兩吓；如果做多三、五、七吓都仲得，唔係話你勁，而係你所用嘅重量太輕了。
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
