練腹問題 - 點解練完唔痛？

問題1. 「最近加強下腹嘅訓練，如舉腳、用啞鈴做俄羅斯轉體，又有掌上壓、深蹲、手臂等運動，每日兩小時！但肌肉完全沒有痛楚！究竟問題出喺邊？」

- 除咗動作選擇，都要諗吓每個動作所用嘅重量、次數、做幾多組等。例如用啞鈴練手臂，究竟「用 10 磅、做 20 次」，定係「用 20 磅、做 10 次」？效果係有分別嘅。

- 個人經驗，一次過訓練兩小時，略嫌過長，最好每次 1 至 1.5 小時。而每日係可以訓練多過一次嘅，即係朝早一個鐘、夜晚一個鐘，合共每日兩個鐘，咁樣又冇問題。

- 痛還痛，有效還有效，兩樣嘢係冇關係的。

問題2. 「我試過用腹輪﹐不停做，第二日感覺腹肌完全撕裂了！但問題係：見好多大隻佬腹肌好勁，但完全冇做腹輪呢啲動作。呢啲動作係咪唔好？」

- 練腹有好多方法，同食飯一樣：人地用筷子食，唔代表你用匙羹有問題，亦未必洗又用筷子又用羹。

- 人地大隻佬之所以咁勁，做好多嘢你都未必睇到。例如人地練習，唔一定俾你見到；人地飲食健康，又瞓得夠，身體脂肪低過人，腹肌先會咁勁，但都唔會話你知。

---------------------------------------------------------------------------------------------------------------

單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html