「教練，我身高5尺7，上年7月至今年1月跟營養師由183減至160磅。今年 1月轉工後到現在再跌至149磅，但體脂1月到現在仍維持33%。營養師話做多啲帶氧運動，你認為如何是好？」
1. 減肥初期，可能純粹靠做帶氧運動及控制飲食，成效已經非常唔錯。但減到某一個水平，就唔可以再靠「食少啲、跑多啲」呢個方法，因為消耗脂肪嘅同時，亦消耗緊你寶貴嘅肌肉。
2. 點解肌肉咁緊要？肌肉嘅多少，係會直接影響減肥嘅效果。因為肌肉越多 -> 新陳代謝率就越高 -> 身體會消耗更多能量 -> 加快消脂。
3. 如果繼續「食少啲、跑多啲」，你將會陷入一個「越食越少」「冇啖好食」嘅境地。肌肉越少，身體所需嘅能量就越少，要達至減磅效果，你就要再再再食少啲。不過，你都只係會減到磅，但脂肪率隨時不跌反升。
4. 所以你嘅出路，就係開始做 Gym，即係去健身室舉啞鈴，增加肌肉。達到降脂效果之餘，仲唔洗捱餓，身體線條仲會靚過之前！
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
