帶氧運動 - 揸住啞鈴 vs 兩手空空 邊樣更有效減肥？

「Hello！我想減肥的，如果我拎住啞鈴行一小時，係咪比正常行路一小時好啲？Thanks。」

雖然呢兩個都未必係減肥嘅好方法，但我都可以分析吓。

假設兩個方法所行嘅速度及時間相同，咁拎住啞鈴嘅強度高啲，照計應該更有效減肥。

但事實上，如果兩者都係盡全力去做，啞鈴重量越高，行嘅速度會越慢，或者可以行嘅距離會越短。所以好難比較邊種方法減肥更有效。

「行路」理論上都可以算係帶氧運動嘅一種，但強度極低，對正常成年人嚟講，佢嘅減肥效果係近乎零。想提升效果，可以由增加速度著手，而唔係增加負重，例如由「行路」變成「急步走」，甚至「緩步跑」。

揸住啞鈴嘅問題係：如果「行路」對你嚟講都有訓練效果，即係話你嘅體能真係好初階。如果要你拎住啞鈴去行，手臂會好快無力而需要停低，不能達到做帶氧運動嘅效果。

---------------------------------------------------------------------------------------------------------------

單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html