運動後 – 隔幾耐先食嘢好？

圖片來源：http://www.popsugar.com/

就算你做運動嘅目的係消脂減肥，運動後都需要食嘢的。一來有助補充身體所消耗的能量，令身體回復狀態，迎接下一次訓練；二來提供養份給肌肉修復及生長，變得更強*。

*肌肉越強 -> 新陳代謝率越高 -> 身體消脂速度越快


隔幾耐先去食嘢？

我建議於運動後 1 小時內進食，在這段時間內，身體最有效將所進食的能量與養份作補充及修復之用，而非轉化為大家都唔想要嘅脂肪。


食乜好？

最好選擇一些含豐富碳水化合物及蛋白質的食物。例如乜嘢食物？中國「四大發明」：粥、粉、麵、飯就有豐富碳水化合物；牛肉、雞肉、魚肉等就有蛋白質。即係話：你隨便走入一間餐廳叫樣嘢食，都已經有豐富碳水化合物及蛋白質。所以大家唔洗諗太多，要跟啲乜嘢餐單之類，不過如果要減肥，盡量唔好食得咁油膩。


常見問題：晚間運動後應否進食？

假如你係返寫字樓工，諗住放工後做運動，咁運動前後嘅飲食策略係點？我會建議於運動前 1 至 2 小時食少少嘢，份量大概係一個 Tea Set 咁上下。要食啲乜？其實都係不外乎含碳水化合物及蛋白質的食物 – 三文治又得，細份量嘅粉麵亦可。當然執行上可能會有困難，可能仲返緊工，行唔開... 呢個你要自己諗辦法，教練都幫你唔到。

放工後做完運動，大概係晚上九、十點，雖然可能隔兩三個鐘後就會去瞓，但最好都食返啲嘢，份量大概係平日晚餐嘅一半，於運動後 1 小時內進食。

---------------------------------------------------------------------------------------------------------------

單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html