「小弟瘦底，心口冇肉，但有肚腩。如果我想收肚腩同練大少少個胸，應該點操？」
相信大多數男士去到健身室，都係想收肚腩同練勁少少胸肌。最常見的做法，都係：
1. 做帶氧運動，因為啲人話「帶氧運動可以燒脂」喎。留意，係「燒」，唔係「消」。我見唔少討論區，甚至減肥產品廣告都係火字部嘅「燒」字，實在令人費解。
2. 各式各樣嘅胸肌訓練。平板推、斜板推、Cable
夾胸、Push Up 等。
3. 腹肌訓練，Plank，Sit-up，提腿等。
我想講... 多人做並唔一定啱，以上正是一個低效率嘅方法。
如果想有效減肚腩及增肌，一定要做
Squat。除了雙腿，Squat 還令身體分泌更多睪丸酮，有助增強全身的肌肉發展。
睪丸酮？乜嘢嚟架？
睪丸酮乃係一種男性荷爾蒙，除了生育能力，睪丸酮的多少還會影響肌肉的大小、力量，和身體脂肪比例。不止男性，女性身體亦會生產睪丸酮，份量大概是男性的八分一。
Squat 能夠訓練身體幾個龐大的肌肉組群
- 大腿、臀部（即「籮肌」）、小腿等，還有用作穏定身體的腹肌及腰背肌肉。有研究指出，一些高強度及需要運用大量肌肉的舉重訓練，能增加身體睪丸酮，Squat
就是其中之一。
「減肚腩喎，唔係要練多啲腹肌同做帶氧運動咩？」
Sit Up、Plank 等動作能訓練腹肌，但不能將腹部脂肪減少。肉還肉，膏還膏，係兩回事嚟嘅，不要再相信「肥膏變肌肉」了，係呃人的。無論你將腹肌練得多強壯，但腹肌上面被厚厚的脂肪蓋著，「六舊腹肌」始終都唔會出現；而我上星期已提過增加肌肉遠比做帶氧運動有效消脂，大家可以搵返嚟睇。
「咁應該點練好？」
胸肌一定要操，但每次不需要做太多花款。我認為在
Chest Day，每次認真地訓練兩個胸肌動作已經足夠，例如 Bench Press + Dip，或
Incline Dumbbell Chest Press + Dumbbell Pullover。此外，每次訓練都可包括一至兩個腳部動作，如 Squat、Deadlift、Lunge
等。
無需花太多時間訓練腹部。我認為中至高強度的舉重訓練，例如當你進行引體上升或利用啞鈴作肩上推舉時，已有足夠的練腹功效，因為它們皆需要運用腹肌作穏定身體，但利用
Machine（即大機）則沒有此種效果。
---------------------------------------------------------------------------------------------------------------
小組健身訓練 Group Training
如果你想：
1) 學習正確而有效的健身技巧，避免受傷
2) 沒有健身會藉，又想定功做
Gym
3) 避免做 Gym 時俾啲大隻佬迫迫貢，或被教練
Hard Sell
