「想減腹部什麼時間好？」呢條問題看似攪笑，其實內藏玄機。
張家輝喺電影 <<失戀急讓>> 有句對白：「幾時係買樓時機？你買得起嘅時候，就係買樓時機」。運動減肥亦係一樣道理，你肯去做運動嘅時候，就係最好嘅時候。
做 Gym 減肥，其實唔洗好多時間。有時喺 Facebook 見人出 Post，話自己今日做咗三個鐘頭 Gym 好勁云云，但如果係認真訓練，每次大約一個鐘已經足夠，頂晒籠都係個半鐘。一個鐘好耐咩？你灘喺梳化 / 床度碌電話都隨時唔止呢個數啦。
咁究竟每日嘅乜嘢時間做最有效？朝早定夜晚？我認為最夾到你作息時間表嘅就係最好。例如，如果你係一個 Night Person，咁返工前運動就未必係一個好選擇；如果夜晚運動之後會瞓唔著，咁日間運動會較好。
如果每次頂多做到半個鐘，咁點算？可以考慮每日分兩 Part 嚟運動，例如返工前早做半個鐘、放工食完飯又做半個鐘，咁都可以達到減肥嘅效果。
不過都提返一句：運動不能局部減肥，即係冇得針對剩係減肚，要減就要全身一齊減。
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
