解答讀者提問 - 點解跑極都唔瘦？

昨天收到一位男性朋友的 facebook message：

你好： 上個禮拜六見完營養師，講講我嘅飲食習慣畀佢知，我也想知道自己的脂肪比例。 我今年34歲，身高 1.73m，體重 74kg，脂肪比例約 20%。請問你，我這個狀況肥胖嗎？我想降低一點脂肪比吧！減吓肚子。 我平日食嘅嘢頗清淡，有時少不免跟同事朋友外出晚飯，帶氧運動 (有跑步，也有游水) 我可以一個星期做三至四次 (跑步約跑四十五分鐘，約七公里、游水則游個半鐘，游 50x50m)。但總係減唔到下腹與臀部啲肥肉。營養師認為我食嘅雖然都清淡健康，但有點過量。情況大致係咁樣啦！ 想聽吓你對我身型有咩意見吧！謝謝！

我的回覆如下：

20% 的身體脂肪比例並不算高，但還有進步的空間。

如果您想減掉腹部和臀部的肥肉，運動方面，除了跑步和游泳等帶氧運動外，還可以加入阻力訓練（簡單啲講，即係叫你去舉下鐵），鍛練身體主要肌肉，如胸肌、背肌、腳部肌肉等。增加身體肌肉能夠提高新陳代謝率（metabolic rate），新陳代謝率越高，身體在任何時候都會消耗越多熱量，減低過剩熱量轉化為脂肪的機會。

跑步和游泳都是不錯的運動，不過與其均速地進行，不如試試間歇訓練（interval training) ，簡單來說即係「一時快、一時慢」，例如在運動場跑步，每逢直路就盡力跑，彎路時急步行；又或者一圈盡力跑，一圈急步行，這種訓練方法能消耗更多熱量，而且在運動後的 24 至48 小時內，更能提升新陳代謝率。

(3月15日刊於《主場新聞》http://thehousenews.com/author/fred-wong/)