無錯，改善體型並不是唯一的健身目標，身體健康似乎更重要，尤其對年紀較大人士。跟據 American College of Sports Medicine，與健康有關的體能元素有五項，分別係：
肌力 – 肌肉一下子能夠發出的最大力量。例如上飛機時能夠提起行李箱與否，就看你的肌力了。
肌耐力 – 肌肉重複運作的能力。對需要長時間站立或體力勞動的人特別重要。
心肺功能 – 運用主要肌肉組群（如大腿、背肌等）持續活動的能力，例如長時間走路。
柔軟度 – 身體各關節的靈活程度，例如企直雙腿時，雙手能否觸碰地面。
肌肉/脂肪比例 – 身體有多少肌肉與脂肪。
若要改善以上五項元素，可進行下列訓練：
1. 負重訓練
負重訓練（即做 Gym 「舉啞鈴」）能夠改善肌力及肌耐力。理論上，「高重量、少次數」方法較能改善肌力，相反則較能改善肌耐力。以蹲腿（Squat）為例，背負 100 公斤不等的槓鈴蹲腿，每組只能做到 1 至 3 次，能較增強肌力；手持一對 10 磅啞鈴蹲腿，每組做約 20 次，能增強肌耐力。
在實際訓練，我會建議初學者選取較輕的重量，進行較多次數。一來較容易掌握技巧，二來亦較安全。每個動作大概做 3 至 5 組，每組約 12 至 20 次，每組之間休息約 2 分鐘。
2. 帶氧運動
帶氧運動能改善心肺功能。如果好耐冇做過運動，可由急步走（Fast Walk）開始，簡單來說，就是以較快的腳步步行，若能同時前後擺動手臂，效果更佳。當發現自己冇咁易攰或氣喘，就可以試試緩步跑、急步走交替進行，例如：緩步跑 30 秒、急步走 1 分鐘。再進一步，就可以持續緩步跑。
3. 伸展運動
簡單嚟講即係「拉筋」，可是拉筋並不止是拉筋，還有肌肉。每個關節都有不同肌肉連接著，如果肌肉太緊，關節自然唔靈活。伸展運動有多種方法，如靜態伸展（即係 Hold 住唔郁，維持約干時間）、動態伸展（兩隻手臂合埋、張開去擴胸就是最好例子）、PNF（簡單來說，在拉長肌肉情況之下去收緊肌肉，有點難明，遲啲有機會再談）、第三者協助伸展等。以下 Playlist 有多個伸展運動的短片，大家可作參考：https://www.youtube.com/playlist?list=PLE7mDcgbu9rOPGhRQW_ZKE-_OxAoc7Uy7
4. 飲食
有兩點想提提大家：
i) 運動有助消脂，但脂肪並不會直接轉化為肌肉。如果唔明，可以搵舊半肥瘦叉燒或者東坡肉睇睇，肉還肉、膏還膏，係兩樣唔同嘅嘢嚟嘅。
ii) 肌肉與脂肪是可以並存的。一個人如果做很多運動，但暴飲暴食，他將會同時有很多肌肉和脂肪。大家喺健身室都應該見唔少：手臂、胸肌、膊頭全部都好發達，但肚腩仍然係咁大個。
雖然增加肌肉份量能夠提升新陳代謝，有助消脂，但若要有效減少脂肪，改善肌肉/脂肪比例，必需加上控制飲食。
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
