「有個關於做帶氧運動嘅問題。我計過心跳率要去到每分鐘106次先可以消脂，我已經踩得好快、好辛苦，但心跳都只係得 88 次，而我係食開血壓藥嘅。
呢個問題，人人都叫我問醫生，但我睇嘅係政府醫生，我應該點做？」
1. 相信大家都聽過做帶氧運動要去到某一個心跳率先可以消脂，太高或太低都冇用，事實上並唔係咁嘅。其實不論帶氧運動時嘅心跳率高低，都會對消脂有功效，所以如果初時體能未係咁好，只可以慢慢跑，請不要氣餒，你都係 Keep 緊 Fit 嘅。當然，跑得越快，效果會越好啦，想知多啲可以睇吓 http://simplefitness123.blogspot.hk/2015/02/blog-post_26.html 。
2. 如果身體有特別狀況，例如血壓高、食緊藥，運動時就要加倍小心，唔好亂跟坊間嘅一啲指標。呢個情況係要問醫生，咁究竟問啲乜呢？可以參考吓：
「醫生，想問吓我呢個情況，可唔可以去做帶氧運動或者舉重呢？」
「如果可以，我有冇啲乜嘢要留意？例如心跳有冇上限？有冇啲乜嘢動作要避免？藥物嘅份量及服用時間洗唔洗調節？」
「又或者，有冇話多做啲乜嘢運動，係可以改善我嘅身體狀況？」
3. 我唔係好明「政府醫生」呢一點，照計如果病人有問題，佢地都會答架… 有冇人可以解釋吓？
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
