「去咗上 TRX 試堂之後，腹肌好攰好痛。幾日後發現個肚腩突咗，仲要係實嘅，點算好？」
如果大家有跑步或健身嘅習慣，都會發現運動時及之後數小時，肌肉會比平時漲大。原因係肌肉正處於充血狀態：血管擴張，為肌肉提供更多氧氣及養份，並帶走代謝廢物。然而，這效果只係暫時性，並非一課訓練後立刻生長肌肉所致。
至於運動後一天至數天後嘅肌肉酸痛或腫漲，係由於「遲發性肌肉痠痛」（英文簡稱「DOMS」）：運動訓練會令肌肉輕微撕裂及發炎，之後肌肉會作出修復，而變得更強。
但唔係每次運動後都會咁痛或漲，通常當你：做一項平時冇做開嘅運動、或大幅改變訓練流程、或大幅提升重量 and/or 次數，先會發生 DOMS。相信呢位朋友係因為初次作 TRX訓練，先會令到腹肌又攰又實。
咁如果訓練之後沒有肌肉痛，係咪代表訓練有問題？未必。可能係肌肉適應咗呢一類嘅訓練，所以唔會好似初初咁痛，但唔代表訓練沒有效果。「肌肉痛」同「流汗」一樣，並唔係運動效果嘅指標。
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
