說到一大班豬朋狗友晚飯聯誼，打邊爐必定是其中一種最受歡迎的選擇，一個窩、飲著大啤，數對筷子一齊「烚下烚下」，實在疏肝。但火窩食品中，不少都是既肥膩又無益，要食得開心又不長肥肉，就要小心選擇食物。
食神韜韜說：「打邊爐最緊要個爐」，就算有一個火力夠猛的爐，都要有一個好湯底。湯底中，建議選擇清湯底或皮蛋莞茜湯底；沙爹湯底、豬骨湯底及麻辣湯底都比較高油、高鹽及高脂，卡路里亦高，最好避免選擇。
肉類方面，肥牛絕對是首選，但
2.5 両（約五片）的肥牛已有約
240 卡路里及 13.6 克脂肪，脂肪含量是瘦肉的 3 倍，所以最好選擇鮮瘦肉片如豬、牛、雞或魚，吃雞肉時緊記要去皮，減少攝取脂肪；肉丸類亦是打邊爐不可或缺的食品，為了令肉丸更香更滑，大多數的肉丸在製作過程中都會加入肥肉，如豬肉丸、墨魚丸等，而牛肉丸和潮州魚蛋是當中比較健康的選擇。
飲品當中，啤酒固然無益，竹蔗水和酸梅湯糖份亦高。雖然 COKE ZERO 是碳酸飲品，又含亞斯巴甜（ASPARTAME），但起碼不含卡路里，不會致肥。如果不想飲水或茶，我會選擇 ZERO。
