「我今年 47 歲，女性，用 3 個月由 150 磅減到 125 磅。整體係瘦咗、著衫靚咗，但塊面瘦到凹晒，望落好老，點樣只瘦身、不瘦面？定係要放棄運動？我又怕反彈。
我嘅方法：每星期 5 次空肚跑步 1-1.5 小時，早午晚三餐都係食清淡嘢。」
針無兩頭利。除非係「十八廿二」，否則減肥之後，個身瘦咗，塊面難免都會凹啲、睇落老啲。原因係身體脂肪率係全身一齊升跌，塊面少咗脂肪，睇落自然冇咁精神飽滿。但係就冇話「做多啲 XXX 就可以瘦多啲條腰、大脾」或「做錯啲乜所以塊面咁瘦」。
我認為應該揀一個「平衡點」，即係減到某個程度，身材滿意之餘，個樣又唔會殘到自己接受唔到。
呢位女士嘅方法都有可以改善之處。運動前後應該食嘢，唔洗空肚，亦可加入負重訓練，效果更佳。飲食方面，唔洗過份清淡，吓吓都白烚。牛油果、魚油、果仁、椰油等都含有好嘅脂肪，唔易致肥，仲對身體有益。
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
