想減肥嘅女仔，終於放棄節食、踩機，而選擇做 Gym 舉啞鈴呢個有效方法，恭喜你，你終於揀啱咗方法。開始做 Gym 冇耐，通常會遇到以下問題：
「增加啞鈴嘅重量，如果唔夠力，可否做少一點次數？」
初初做 Gym，我會建議先挑選較輕嘅啞鈴，約 5 至 10 磅，去學習正確姿勢及俾身體適應。過咗一段時間，就發現一次過做 20 次，肌肉都冇攰嘅感覺，即係話係時候增加重量喇。
咁要加幾多先啱？咁就要逐個動作去試。如果揀選嘅重量，你一次過做到 10 至 15 次，每尾幾吓有啲肌肉酸軟嘅感覺，咁就為之合適喇。
就以 Deadlift 呢個練大脾、臀部嘅動作為例（https://youtu.be/130aGlUpEFw），通常都可以做得較重，每隻啞鈴 20 至 30 磅都好平常；練「拜拜肉」嘅呢個動作（https://youtu.be/YPndRDjYN0U），通常 10 至 15 磅已經足夠。
「發現磅數重咗，唔知肥咗定多咗肌肉？」
做咗一排 Gym，可能會發現體重不跌反升，呢個係正常現象。又要提醒大家：重咗唔等如肥咗，輕咗唔等如瘦咗，所以磅數根本係冇意思。
有健身習慣，如果飲食都能夠配合，就唔洗理個體重。就算體重升咗，但肌肉 / 脂肪比例正在慢慢改變（肌肉 ↑ 脂肪 ↓），身型會變得越嚟越 Fit。
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
