早幾日接受某報訪問，談及HIIT（高強度間歇訓練）。現在網上流傳成千上萬的 HIIT Program，聲稱一日做幾分鐘，就可以一個月瘦
XX 磅；但佢地冇講你知，好多人因為運動底子差，或方法不當，訓練時拉傷肌肉或弄傷關節。今次我想提醒大家幾個做 HIIT 時要留意的地方。
量力而為
「高強度間歇訓練」，有名你叫，係高強度的。如果你已經幾年冇做運動，係咪應該一開始就咁激呢？由於 HIIT 動作密度高，一下子令人心跳加速，如果肌肉或心肺功能不足，會應付不來。建議大家如欲開始運動習慣，可以先從急步走、緩步跑及一些基本的力量鍛練開始，慢慢適應，令身體有一定體能基礎才開始 HIIT。
做足熱身
HIIT 動作劇烈，如果熱身不足，有機會拉傷肌肉，所以事前做好做點熱身。「熱身，咪即係去拉吓筋囉，吓嘩？」這是一般人對熱身的誤解。進行 HIIT 前，可以先慢慢做點 Squat 或 Step Lunges，提升肌肉溫度，轉轉腰、轉轉手，再看看嚟緊 HIIT 入面啲動作，每個抽出來慢慢做十次八次，才正式開波，計時做 HIIT。
痛就要停
從另一角度看，「痛」其實係好野嚟。佢係一個訊號，話你知身體某部份出現問題，要你停一停去睇睇，避免令身體進一步受損，正如電腦的 Error Message 一樣。當進行 HIIT 時，發現某關節或心口有不尋常的痛楚，就要停下來，看看是否做錯動作，或訓練強度過高。
高撞擊力
HIIT 通常會有大量跳躍動作，如 Burpee
或 Jump Lunge 等高撞擊力（High Impact）動作，有機會令關節受傷，未必適合過胖人士。
良好姿勢
運動時要姿勢好，難；
要做得快、又要姿勢好，好難；
當你又攰、又要做得快、仲要姿勢好，難上加難！
姿勢唔好，練唔到要練嘅肌肉，仲會整親。如果發現個動作開始走樣，請你做返慢啲。
---------------------------------------------------------------------------------------------------------------
小組健身訓練 Group Training
如果你想：
1) 學習正確而有效的健身技巧，避免受傷
2) 沒有健身會藉，又想定功做
Gym
3) 避免做 Gym 時俾啲大隻佬迫迫貢，或被教練
Hard Sell
可考慮參加於私人健身室舉辦的小組訓練班，有不同日期及類型的課堂任你揀。詳程請參閱：http://simplefitness123.blogspot.hk/2000/01/group-training.html
