「♪ ♫ ♬
又到聖誕 又到聖誕 ♪ ♫ ♬」
聖誕節當然會出嚟同啲
Friend 聚吓。咁耐冇見，梗係要飲返兩杯啦，唔通飲橙汁咩。但各位貪靚嘅朋友要留意喇，酒–真係好肥，不單止係啤酒，而係酒精本身。一克酒精已經有 7 卡路里，僅次於脂肪嘅 9 卡路里
/ 克，所以酒精度數越高，就越容易致肥。
今次我寫呢篇野，當然唔係叫你地唔好飲酒啦，而係點飲先可以肥少啲呢？我有三個好簡單嘅貼士可以同大家分享吓：
食飽先去飲
有冇發覺飲酒會越飲越肚餓？飲到中途就叫到一枱都係野食，仲要唔肥唔嗌。飲酒會令身體分泌少啲令人覺得飽肚嘅荷爾蒙 Leptin，攪到食慾大增。飲酒前，最好先食返餐飽，尤其要食多啲高纖、高蛋白質嘅健康食物，減低飲酒時嘅肚餓感覺，咁計落會冇咁肥；而且仲可以減慢身體吸收酒精嘅速度，冇咁易醉，自然長飲長有。
唔好飲 Cocktail
盡量避開如 Screwdriver 或 Piña Colada 呢類加咗 Mixer 嘅酒精飲品，入面嘅糖除咗會增加卡路里攝取外，仲會令血糖上下波動，令人覺得肚餓。所以如果一定要飲酒，最好飲啤酒或 Vodka On Rocks 呢類純酒精飲品。
飲酒不忘飲水
酒係利尿的，會令身體失去水份，相信飲過酒嘅人都知，越飲越多廁所要去；而且佐酒小食通常都係高鹽，多吃會口渴，令人飲更多酒。所以每杯酒之間最好飲返杯水，補充身體水份。
---------------------------------------------------------------------------------------------------------------
小組健身訓練 Group Training
如果你想：
1) 學習正確而有效的健身技巧，避免受傷
2) 沒有健身會藉，又想定功做
Gym
3) 避免做 Gym 時俾啲大隻佬迫迫貢，或被教練
Hard Sell
可考慮參加於私人健身室舉辦的小組訓練班，有不同日期及類型的課堂任你揀。詳程請參閱：http://simplefitness123.blogspot.hk/2000/01/group-training.html
