如何減操之餘又有進步？

「我 2 個月前開始每日負重訓練 30 分鐘及帶氧運動 1 小時。成功減到去我理想嘅體重同練到我想練嘅部位（腹肌同老鼠仔）。請問一下 我可以點樣減少訓練嘅時間，而又可以保持到現在嘅體重及身形？

我到現在每日都唔敢鬆懈，但好想放鬆一吓，可能減到每星期運動 3 至 4 日。」

 

我成日建議多做負重運動、少做帶氧運動，因為我認為負重運動係較有效率嘅減肥方法。但如果調返轉，多做帶氧運動係咪代表減唔到肥？當然唔係啦。只要夠勤力、夠堅持，始終都係減到嘅，不過可能要付出較多嘅時間。

不過光陰有限，既然有更有效嘅方法，可以以較短時間達到目標，又冇副作用，點解唔做？除非你嘅嗜好係做帶氧運動，否則請你參考以下訓練流程：

假設每次訓練 1.5 小時，

Day 1：胸肌（30 分鐘），三頭肌（30 分鐘），腳（30 分鐘）
Day 2：背肌（30 分鐘），二頭肌（30 分鐘），腳（30 分鐘）
Day 3：三角肌（30 分鐘），腹肌（30 分鐘），強度較高嘅帶氧運動或循環訓練（30 分鐘）

例：

（可以 Click 落張相，放大嚟睇）

呢個流程並唔係啲乜野秘笈，只係我隨手寫出嚟，普通到不得了，不過係 Work 的。如果唔清楚啲動作係乜，可以直接去 YouTube 打個名嚟搵，一定搵到。假如一星期操到四次，第四次就由 Day 1 做起，如此類推。
---------------------------------------------------------------------------------------------------------------

單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html