一個稱職嘅 PT（健身教練，Personal
Trainer 嘅縮寫），守時及專注教學係必需的。客人亦係一樣，想要一課有質素嘅訓練，除咗交學費呢個最基本嘅條件之外，亦有啲野需要留意。
手提電話
每堂訓練並唔係每一分鐘都做緊運動，途中會有休息時間，客人可以去飲水、拉筋、或者問吓 PT 自己做成點。但並唔係走去玩電話，包括打機、FB、IG、Email，因為咁樣會分神，降低集中力，訓練效果會打折扣；講電話嘅聲浪及電話發出嘅「叮叮咚咚」聲，亦會影響他人。上堂時，最好將手提電話放喺 Locker，如果有急事，非要拎電話出 Gym Floor 不可，請調校至 Silent Mode。我工作時，係會將電話調校至 Airplane Mode 再放入背囊的。
守時
一堂訓練通常為 60 分鐘，其實並唔見洗，熱吓身，做幾個動作就冇咗。所以最理想嘅係早到大約 10 至 15 分鐘，換衫、去廁所、熱身，一夠鐘就準時開波。如果有事遲到（甚至冇到），冇辦法，但請 Send 個 Whatsapp 話俾 PT 聽，等佢唔洗乾等。可能你會話「屌，呢個鐘我係咪都俾咗錢架啦。」咁你就錯喇。PT 嘅工作係教人做運動，而唔係等人。就我個人來說，教人做運動係我嘅工作亦係興趣，但就唔鍾意等人。
一堂訓練通常為 60 分鐘，其實並唔見洗，熱吓身，做幾個動作就冇咗。所以最理想嘅係早到大約 10 至 15 分鐘，換衫、去廁所、熱身，一夠鐘就準時開波。如果有事遲到（甚至冇到），冇辦法，但請 Send 個 Whatsapp 話俾 PT 聽，等佢唔洗乾等。可能你會話「屌，呢個鐘我係咪都俾咗錢架啦。」咁你就錯喇。PT 嘅工作係教人做運動，而唔係等人。就我個人來說，教人做運動係我嘅工作亦係興趣，但就唔鍾意等人。
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。詳程請登入：http://simplefitness123.blogspot.hk/2000/01/group-training.html
