男網友問：「我21歲，身高
178cm，體重約 200 磅。嚟緊會有 3 個月暑假，想操
Fit 個身體... 想問每次訓練應該係慢跑 45 分鐘再做負重訓練，還是跑步與負重訓練二揀一，每次只做一樣？」「跑步嚟講，均速慢跑
45 分鐘較好，還是間歇訓練，時快時慢較有效？」
每個人做 Gym 的目標各有不同，有人為減肥、有人為增肌、有人為強化心肺功能。男網友的目標是「操
Fit 身體」，何謂「操 Fit 身體」？可能你會話：「車，操 Fit 身體咪想個身型靚啲囉，多舊魚！」咁你就錯喇！做
Gym 嘅目標有好多種，不同目標就要用不同方法，並唔係入到健身室求其舉吓跑吓就得。以下係我教過嘅學生嘅一啲做 Gym 目標及訓練方法。
減肥 / 改善肌肉線條
不論你想減肥，或令肌肉線條更明顯，都要盡量減少身體脂肪。負重運動方面，身體各部份都要訓練，生長更多肌肉，提昇新陳代謝，幫助消脂。
「低重量、多次數有助修線條」及「局部減肥」都是一些常犯的謬誤。如重量太輕會影響訓練效果；而集中訓練某部份，亦不能局部減少那兒的脂肪。
不少人認為消脂要靠帶氧運動，但跟據本人自身及訓練學生的經驗，其實效果不大，反而改善飲食習慣更為重要。
練大隻
進行負重訓練時，每組約 8 至 12 次有助增加肌肉圍度（即係令肌肉變得更大舊）。重量不宜太輕，每組最後兩、三次肌肉應該有酸軟無力的感覺。將舉重的速度校慢一點亦有幫助，一來肌肉受力時間（Time
Under Tension）較長，二來肌肉控制會較易掌握。飲食方面，宜多吃一點有益、含豐富蛋白質的食物，如蛋、牛、雞、魚肉。
增強運動表現
如欲透過負重訓練增強運動表現，或在體能測試時表現更好，就需要作針對性訓練。如目標是改善十公里跑的成績，應多訓練下肢肌肉的耐力（Endurance），訓練二頭肌或胸肌則意義不大；如果想在打籃球時「入樽」或跳得更高，就要增強下肢肌肉的力量（Strength）及進行增強式訓練（Plyometric
Training）。
改善體能，應付日常生活 / 工作需要
工作時，身體需要長時間維持同一姿勢，可能導致肌肉酸痛。如牙醫需長時間彎腰，就應該強化腰背肌肉、伸展胸肌及肩膊；理髮師需時常提起雙手，應強化肩膊及手臂肌肉。老人家走路和上落樓梯時覺得吃力，可以加強訓練腳部肌肉、平衡力及心肺功能。
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
詳程請登入：http://simplefitness123.blogspot.hk/2000/01/group-training.html
